Париз, 9 април 2020 (МИА) – Пред само еден месец фудбалот најнормално се играше, а потоа сè запре. Пандемијата од коронавирус предизвика најголема катастрофа во светот од Втората светска војна наваму. Во моментите кога луѓето умираат масовно, спортот падна во втор план.
Скоро сите светски лиги прекинаа и најголемите светски и континентални натпревари беа одложени и преместени за некои посреќни периоди. Штетата на клубовите е огромна. Исчезнаа приходите од билети, ТВ-права, спонзори и маркетинг. Најбогатите клубови исто така се голем проблем, а на малите им се заканува исчезнување.
Во најсилните европски лиги, клупското раководство и играчите преговараат за модалитетите да се справат со кризата што е можно безболно. Со едностран чин, Барселона одлучи да намали 70 проценти од платите на играчите додека трае хаосот, а слични мерки презедоа и сите други клубови.
Менаџментот на ПСЖ смисли интересен и револуционерен план за намалување на платите. Францускиот шампион реши оние играчи кои заработуваат повеќе во процент, да се откажат од повеќе. Така најплатените играчи ќе добијат 50 проценти намалување, додека другите играчи ќе добијат процент врз основа на нивната месечна заработка.
Така, Нејмар, кој заработува скоро три милиони евра месечно, изгуби 50 проценти од својата плата, исто како и Килијан Мбапе, Единсон Кавани и останатите најбогати играчи во парискиот клуб.
ПСЖ, исто така, го претстави овој план на челниците на Лига 1 и според француските медиуми, раководството на лигата смета дека ова решение би било идеално за сите клубови.
Еве како тоа изгледа:
– 50% од играчите кои заработуваат повеќе од 100,000 евра месечно
– 40% од играчите кои заработуваат помеѓу 50.000 и 100.000 евра месечно
– 30% од играчите кои заработуваат помеѓу 20,000 и 50,000 евра месечно
– 20% од играчите заработуваат помеѓу 10,000 и 20,000 евра месечно.
Играчите чија плата е под 10.000 евра се безбедни и ништо нема да им се скрати.
