Кичево, 9 април 2020 (МИА) – Комуналното претпријатие од Кичево во соработка со Општината, продолжува со сеопфатна акција за темелно дезинфицирање на улиците, два пати во текот на денот, наутро и навачер, со цел превенција од ширење на коронавирусот.
-Двапати дневно спроведуваме акција, наутро и навечер, да ги дезинфицираме улиците во сите делови од градот. Дезинфекцијата со вода и препарати секако ќе помогне во борба против коронавирусот и неговото ширење. Акцијата ќе се одвива се додека состојбите не се стабилизираат, а коронавирусот и неговата експанзија не бидат намалени, вели директорот на ЈКП „Комуналец” од Кичево, Зенел Јонузи. рз/мч/
