Скопје, 4 април 2020 (МИА) – Оштина Бутел во изминатиот период презеде повеќе активности за заштита на здравјето на граѓаните и спречување и ширење на коронавирусот.
Од Општината информираат дека во рамки на активностите спроведено е миење локални улици и урбаната опрема, извршена е дезинфекција на сите училишта и градинки, направена е дезинфекција на станбените објекти, детските игралишта, платоата на трговските центри во Живко Брајковски – Бутел 1 и во Радишани.
Денеска, комуналната служба на Општина Бутел, како што стои во соопштението, ги дезинфицираше просториите и дворот на Полициската станица во Бутел, вонредна дезинфекција на Амбулантата во Бутел, Поликлиниката и Брзата Помош во Чаир.
-Локалната самоуправа продолжува со секојдневните активности за чистење и дезинфекција на јавните објекти и површини, наведуваат од Општината.скс/
