Кичево, 2 април 2020 (МИА) – ОВР Кичево поднесе кривична пријава против В.Ј. (21) и Г.Р. (18) и двајцата од Кичево поради постоење основано сомнение за сторено кривично дело „непостапување според здравствените прописи за време на епидемија“.
-Тие, на 29 март во 18:30 часот, кога на сила била мерката за ограничено движење, биле затекнати на улицата „Методија Стефаноски“ во Кичево, по што биле приведени во полициска станица, информира портпаролот на СВР Охрид, Стефан Димоски.
Пријавените, како што вели, не се придржувале до мерката за забрана за движење на граѓаните во временскиот период од 16:00 до 5:00 часот заради спречување на ширење на коронавирус COVID – 19, предвидена во одлуката на Владата. рз/вј/
