Утрински Весник
Македонија

Одложен конкурсот за „Награда од ЕУ за истражувачко новинарство“

ССНМ бара Владата да обезбеди заштитна опрема за редакциите

Скопје, 30 март 2020 (МИА) – Конкурсот за „Награда од Европската Унија за истражувачко новинарство“ се одложува за подоцна оваа година, објави денеска Самостојниот синдикат на новинари и медиумски работници.

Поради новонастанатата ситуација со пандемијата и мерките кои се преземаат во нашата земја, ССНМ ги известува сите новинари дека конкурсот се одложува на неодредено, односно до завршување на пандемијата и прекин на рестриктивните мерки со цел нејзино сузбивање.

– Бидејќи првичниот рок за аплицирање беше 1 април, а на нашата електронска пошта веќе стигнаа повеќе пријави, ги известуваме сите кои веќе се пријавија дека нивната апликација е важечка и ќе биде земена предвид при повторното отварање на конкурсот. Кога ќе имаме повеќе информации веднаш ќе бидат објавени и споделени, стои во соопштението на ССНМ. нд/са/

Извор: mia.mk

Можете да прочитате

Премиера на монодрамата „Ја, Ѓорѓија Пулески – роден су од камен“ во Галичник

МЕТЕОАЛАРМ НАЈАВА: Викендов ни следува нов продор на топол воздух од Африка!

ЦУК: До 7.30 часот седум активни пожари, четири под контрола и 27 изгаснати