Куманово, 28 март 2020 (МИА)
Извршена е дезинфекција во Транзитниот центар во Табановце, но и во неколку села и населени места во тој реон од општина Куманово, објави денеска кумановскиот градоначалник, Максим Димитриевски.
-Денеска продолжуваме со дезинфекција на кампот за мигранти во село Табановце и останатите села во регионот и најпрометните улици во градот. Сите станбени објекти на територија на општината се веќе третирани, продолжуваме, од утре со нов циклус- објави Димитриевски.
Измината недела беа дезинфицирани сите згради на подрачјето на Куманово. Во дезинфекцијата се вклучени екипи на сите претпријатија во градот, како и на противпожарната единица.ам/ир
