Штип, 28 март 2020 (МИА) – Мобилните тимови на Општина Пробиштип денеска поделија 50 пакети со прехрамбени продукти и заштитни маски за социјално загрозените лица и стари и изнемоштени лица во руралните средини, на кои во овој период им е неопходна помош, информираше градоначалникот на Општина Пробиштип, Драган Анастасов.
–Во следниов период општината ќе спроведе ваква акција и за самохраните родители и лицата со попреченост. Благодарност за компаниите “Булмак – 2016” и “Кит Го” за поддршката во оваа акција.Солидарноста е многу важна во вакви моменти, вели Анастасов.
Тој истакна дека како локална власт се грижат за сите, полесно да се надмине оваа ситуација со справување со коронавирусот. вдј/ац/
