Скопје, 26 март 2020 (МИА) – Амбасадата на Словачка во Скопје известува за повик за апликации за стипендии во рамки на Словачката национална програма за мобилност (Slovak National Mobility Programme).
Повикот, кој е објавен и на веб-страницата на Министерството за образование и наука, се однесува на студиски престој на странски студенти, студенти на докторски студии, универзитетски професори, истражувачи и уметници на словачките високообразовни институции и истражувачки организации, за академската 2020/2021 година.
Деталите за условите и информации за стипендиите се објавени на веб-страниците www.stipendia.sk и www.scholarship.sk.
Апликациите треба да бидат доставени електронски на веб-страницата: www.scholarship.sk, најдоцна до 30 април 2020 година, до 16 часот по централноевропско време.
Лице за контакт во Министерството за образование и наука е Гоце Видановски, Сектор за наука и иновации (goce.vidanovski@mon.gov.mk) хс/ац/
