Скопје, 22 март 2020 (МИА) – Институтот за јавно здравје ги информира граѓаните за статистиката со вирусот КОВИД-19 во земјава, но и во светски рамки.
Статистичките податоци може да се прочитаа на линкот http://www.iph.mk/covid19-21-3-2020/.
СОСТОЈБА СО COVID-19 ВО РЕПУБЛИКА СЕВЕРНА МАКЕДОНИЈА заклучно со 20 март 2020
На 20.03.2020 година, пријавени се вкупно 18 нови случаи на COVID-19 од 4 градови – Дебар (n=7), Скопје (n=6), Штип (n=3) и Кавадарци (n=1).
Најголем дел од регистрираните случаи се на возраст од 20-29 и 50-59 години (по 5), а во однос на дистрибуцијата по пол, 10 се женски и 8 машки.
Хоспитализирани се две лица, а останатите се на домашно лекување (асимптоматски или со лесна клиничка слика).
Кај 3 лица е регистрирано присуство на коморбидитети.
Вкупно 16 лица имале контакт со веќе потврден случај на COVID-19 во Република Северна Македонија.
Од вкупниот број на пријавени на 20.03.2020 година, 12 се потврдени во лабораторијата за вирусологија и молекуларна дијагностика при ИЈЗ, додека 6 се потврдени во приватна лабораторија. Во лабораторијата во ИЈЗ направени се вкупно 92 тестирања.
КУМУЛАТИВНА СОСТОЈБА СО COVID-19 ВО РЕПУБЛИКА СЕВЕРНА МАКЕДОНИЈА
Заклучно со 20.03.2020, пријавени се вкупно 85 случаи на COVID-19 (I=4,1/100.000).
Според место на постојано живеење, случаи на COVID-19 се регистрирани во 6 градови, Скопје (n=43), Дебар (n=34), Штип (n=4), Кавадарци (n=2), Гостивар (n=1) и Охрид (n=1).
Во однос на дистрибуцијата по пол, регистрирани се 43 лица од машки пол и 42 лица од женски пол или сооднос машки – женски 1:1. Специфичниот морбидитет по пол кај машките е 4,1/100.000 жители, додека кај женските изнесува 4,1/100.000 жители.
Возраста на заболените се движи од 4 до 87 години (медијана – 46,0 години). Најголем број на заболени се на возраст над 60 години – 19 (22,4%), а највисока специфична инциденца од 6,5/100.000 жители се регистрира кај лицата на возраст од 50-59 години. мч/цр/
