Дебар,18 март 2020 (МИА) – Во рамки на мерките на Оперативниот штаб за дезинфекција на објекти, денеска беше извршена дезинфекција на џамиите и објектот на муфтиството во Дебар.
-Извешена е дезинфекција на седумте џамии, вклучувајќи ја и Саат кула џамијата, како и просториите на муфтиството. Средства за дезинфекција ни се доставени од Оператвниот штаб, изјави за МИА, координаторот на дебаркото муфтиство Решат Качалнику.
Додава дека верниците ги почитуваат препораките на оваа институција и молитвите ги вршат дома, а од џамиите се слуша само егзанот.
– Ние како муфтиство во коорднација со надлежните во Општината сме прифатиле да прдонесеме во надминување на актуелната сосотојба која душевно не боли сите. Почитувањето на препораките е во интерес на здравјето на сите граѓани, на сите верници во Дебар, посочува Качалнику.
Според градоначалникот на Општина Центар Жупа, Аријан Ибраим, во оваа општина веќе е извршена дезинфекција на џамиите во сите населени места.
-Пред неколку дена веќе извршивме дезинфекција на овие свети места иако верниците строго ја почитуваат препораката на дебарското муфтиство и молитвите ги вршат дома, вели Ибраим.
Додава дека медицинската екипа која престојувала во ова општина вчера тестирала 12 лица, за кои резултатите сеуште не се познати.вт/вг/
