Кичево,16 март 2020 (МИА) – Општина Кичево во рамки на повеќето мерки кои се преземаат за спречување на ширењето на коронавирусот, врши дезинфекција на сите училишта и градинката.
Дезинфикацијата се очекува да заврши до крајот на неделата, а ја спроведува Центарот за јавно здравје Битола.
-За да спречиме евентуална појава на коронавирусот во Кичево, во соработка со Центарот за јавно здравје од Битола, се врши дезинфекција на сите основни и средни училишта во Општината. Оваа кампања започна прво во училиштата од руралните средини минатата недела, додека од денеска ќе биде спроведена и во сите градски училишта, како и во градинката. Со овој зафат се надеваме ќе придонесеме за спречување на ширењето на коронавирусот во објектите за масовно собирање, вели раководителот на секторот за образование од Општина Кичево Емин Насуфи. рз/вг/
