Битола, 15 март 2020 (МИА) – Општина Битола формира координативна група која континуирано ги следи состојбите поврзани со Ковид-19.
Во групата се градоначалничката Наташа Петровска, директорката на Клиничка болница Битола Билјана Гагачова, директорката на Центарот за јавно здравје Елизабета Крстева и директорката на Домот за народно здравје „Хаим Абраванел“, Весна Спирковска.
Покрај локалното делување на работната група за спроведување на мерки за превенција-болест COVID 19 (коронавирус), Општина Битола презеде активности поврзани со јавниот сообраќајот и зголемената хигиена во сите општински установи,
Од тамошната локална самоуправа апелираат до сите добронамерници, да не настапуваат волунтаристички, односно неорганизирано и да не ја искористуваат ваквата состојба за популизам. мт/дма/
