Скопје, 12 март 2020
ВМРО-ДПМНЕ откако ќе ја формира нова владата преку реални мерки ќе се залага да го доближи здравството до граѓаните.
ВМРО-ДПМНЕ се обврзува на обнова која ќе значи зајакнување на дежурните служби и итна медицинска помош. ова значи дека ќе се работи на поголема достапност во текот на 24 часа на здравствените услуги за граѓаните.
Новата влада која ќе ја предводи ВМРО-ДПМНЕ се обврзува на обнова која ќе значи ослободување од административни процедури на матичните лекари. Освен тоа се предвидува континуиран раст и на вредносната капитација кај матичните лекари. ќе се воведе и електронско работење и ослободување од десетици административни процедури кои сега им одземаат време и пари на матичните лекари.
ВМРО-ДПМНЕ се обврзува на обнова преку која ќе се изгради здравство ориентирано кон пациентите. Затоа новата влада предводена од ВМРО-ДПМНЕ ќе донесе Национална здравствена стратегија заснована на следните постулати: Зајакнување на јавното здравство – заради тоа што лекарите и здравствените работници треба да останат во Македонија и тука во јавното здравство; Зајакнување на примарното здравство, стоматологијата и превентивата; Оптимизација на здравствениот систем, ориентиран кон бенефит за пациентот и конечно Нулта корупција во здравството, која што ќе опфати како заклучок Интегрирање и функционално реорганизирање на здравствените единици.
Гласот за ВМРО-ДПМНЕ е глас за обнова, а гласот за СДСM е глас за криминалот кој мора да биде поразен.
СДСM никогаш нема да се смени, ќе остане партија заробена од Заев и Шекеринска кои се последните остатоци на криминалната транзиција. За спас на Македонија, транзициските криминалци мора да бидат казнети за штетите кои ги направија.
Центар за комуникации на ВМРО-ДПМНЕ
__________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
