Ливерпул, 10 март 2020 (МИА) – За дефанзивецот Ендру Робертсон, реваншот помеѓу Ливерпул и Атлетико Мадрид во Лигата на шампионите е од големо значење. Англискиот тим заостанува со 0-1 и утре треба да победат за да продолжат до четвртфиналето.
– Знаеме дека ситуацијата е живот или смрт. Да се надеваме дека ќе ја завршиме работата, рече Шкотланѓанецот.
Тој увери дека е опоравен од неговата неодамнешна повреда, поради која го пропушти последниот натпревар на екипата на Јирген Клоп.
– Тоа е судир од директни елиминации и ако не го покажете најдоброто, аут сте. Размислуваме позитивно и ќе дадеме 100%. Ако ја покажеме таа игра на тимот, што секој го знае, барем ќе знаеме дека сме дале се одсебе. Го имаме потребното искуство да се соочиме со Атлетико во оваа форма. Свесни сме дека во Мадрид не погодивме ниту еднаш во рамките на голот. И ако ова се случи повторно во среда, тогаш нема начин како да се пласираме напред.
Дефанзивецот го коментираше и поразот на Манчестер Сити од Манчестер Јунајтед за првенството, од кој профитираше Мастерсајд.
– Беше многу убаво да си лежам и да знам, дека сме се доближиле еден чекор поблизу до титулата, дури и да не сме се испотиле. Сега сме еден чекор поблизу до сонот, заврши Робертсон.
