Скопје, 10 март 2020
Пред една година, со одлука на Централното претседателство и Генералниот совет на партијата, беше формирана работна група за проектирање на утрешното ДУИ, и тоа внатре партиски, кадровски и програмски реформи, пре-регистрација на целото членство, ветинг во партијата, но и во политика, во судството и во обвинителството.
Како резултат на овој процес, се зачленија над 30.000 членови на ДУИ, се избра целосно нов Форум на младите, исто така целосно нов Форум на жените, над 90 % во приближно 500 локални совети беа избрани нови претседатели на совети и скоро 100% нови претседатели во 36 ограноци низ целата земја.
За успешно да се заокружи овој процес, ДУИ организираше Kонгрес каде учествуваа над 4.000 лица и се избраа над 70 % нови членови на
Генералниот совет, со над 40 % учество на жените во сите партиски тела.
Но, ние сме многу сериозни и посветени на оваа реформа, и затоа нема да застанеме тука, туку ќе продолжиме и со списоците на кандидатите за пратеници.
Како што рече вчера претседателот Ахмети, над 90 % од кандидатите за пратеници се лица кои за прв пат ќе бидат избрани и претставуваат
поединци кои се успешни во своите професии и се почитувани во
општеството.
Исто како што остваривме ветинг во партијата за време на
пре-регистрацијата на нашето членство во нашите партиски тела, ќе
спроведеме ветинг и при составување на нашите списоци на пратеници и други функции.
Ги покануваме и другите страни да се приклучат на нашата иницијатива и да го сторат истото.
Истовремено, идното ДУИ е ангажирано за целосен ветинг и во политиката, во обвинителството, во судството. Ветингот претставува клучен столб на програмата на ДУИ за постигнување на неселективна правда, вистинско владеење на правото, транспарентност, борба против организираниот криминал и корупцијата, и враќање на довербата на граѓаните во интегритетот на институциите.
Има уште многу работа за воспоставување на неселективна правда во оваа земја. Но, ние сме подготвени да се соочиме и со овој предизвик и ги покануваме сите граѓани со заеднички сили да вложиме напори за општото добро на сите нас.
Правната предвидливост и владеењето на правото се основен предуслов за економски развој, за создавање на нови работни места и за поквалитетен живот, цели кои се исто така и наши приоритети.
Демократската унија за интеграција (ДУИ)
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
