Лондон, 10 март 2020 (МИА) – Европската банка за обнова и развој и додели два кредити на банката „Шпаркасе Македонија“ наменети за промоција на инвестиции во приватни згради во Северна Македонија, објави порталот „Микрокапитал“.
Поголемата позајмица, во износ од три милиони евра, е наменета за исплата на хипотекарни кредити за идни сопственици на станови, а втората, од два милиони евра, ќе се користи за финансирање „зелени технологии со високи перформанси во приватни згради, вклучително и во станбени објекти“.
Вториот, „зелен“ кредит, чија цел е да се придонесе за намалување на загадувањето на воздухот и зголемување на енергетската ефикасност, е обезбеден преку Инструментот за финансирање на зелената економија (ГЕФФ) на ЕБРД.
„Шпаркасе Македонија“ во 2018 година имаше 60.000 клиенти и вкупна вредност од 346 милиони евра. Истата година, банката оствари профит од 155 милиони денари. сп/са/
