Би-Би-Си
Досиеја објавени во Аргентина ги откриваат имињата на 12.000 нацисти кои живееле таму во 1930-те години, од кои многумина имале сметки во швајцарски банки, велат истражувачите.
Од американскиот центар Симон Визентал, побарале од Креди Свис банка да ги идентификува старите банкарски сметки.
„Ние веруваме дека тие сметки, кои стојат со години, се всушност ограбени пари на еврејските жртви“, велат истражувачите од Центарот „Симон Визентал“.
Изводи од сметки се пронајдени во продавница во поранешното нацистичко седиште во Буенос Аирес.
Нацистичка Германија започна со запленување на еврејскиот имот откако во 1935 година донесе расни закони, при што најголемата сума е запленета за време на холокаустот. Голем дел од тоа богатство било пренесено на тајни сметки во швајцарските банки.
Во писмото до Кристијан Кун, потпретседател на Креди Свис, истражувачите од Центарот „Симон Визентал“ велат дека се свесни дека веќе имаат список на луѓе кои се пријавиле како наследници на нацистите и нивните сметки.
Додадоа и дека многу нацисти биле заведени во аргентинските досиеја кога отвориле една или повеќе банкарски сметки во Швајцарското кредитно биро, од кое е создаден Швајцарскиот кредитен центар.
Од 1930 до 1938 година, Аргентина имаше про-нацистички воен режим предводен од претседателот Хозе Феликс Урибуру, прекар Фон Пепе и неговиот наследник Агустин Педро Хусто.
Изводите ги презеде специјалната комисија формирана за време на Роберт Ортиз, кој владееше од 1938 година и се спротивстави на нацистите.
Потоа, Комисијата на препад ја зазеде Германската унија на синдикати.
Сепак, вториот воен удар во 1943 година го врати на власт проанацистичкиот режим во Буенос Аирес и наодите на комисијата беа запалени.
Сепак, аргентинскиот иследник Педро Филипузи неодамна пронајде веродостојна копија со имиња на 12.000 нацисти.
Од Креди Свис за АП рекле дека соработуваат со Пол Волкер, истражител на Обединетите нации, кој бараше тајни сметки меѓу 1997 и 1999 година.
„Повторно ќе се занимаваме со таа афера“, велат од Кредитниот центар.
За време и по Втората светска војна, неколку јужноамерикански држави, вклучително и Аргентина, беа безбедно засолниште за нацистите, бидејќи управуваа фашистичките воени диктатори.
Некои од најбараните нацистички воени злосторници избегаа во Јужна Америка, вклучувајќи го и Адолф Ајхман, еден од идејните творци на холокаустот.
Во Аргентина, тој беше киднапиран од израелските агенти во 1960 година.
Ајхман беше префрлен во Израел, а две години подоцна по неговото судење во Ерусалим, тој е осуден на смрт со бесење.
