Скопје, 4 март 2020
Претседателот на Движењето БЕСА, Биљал Касами, овие денови престојува во САД каде што одржува важни средби. Касами вчера се сретна со американскиот конгресмен Елиот Енгел.
На средбата се разговараше за последните политички случувања во Северна Македонија и најновите регионални случувања.
Претседателот Касами го информираше конгресменот Енгел за постигнувањето на историската коалиција меѓу СДСМ и БЕСА, коалиција што е ставена во функција на интеграцискиот процес на Северна Македонија во Европската Унија како единствена опција за земјата.
Конгресменот Енгел ги охрабри сите политички актери во земјата да бидат посветени на спроведување на Договорот од Преспа, што е гаранција за патот на земјата кон НАТО и Европската Унија.
Движење БЕСА
_________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
