Скопје, 3 март 2020 (МИА) – Во Скопје изминатиот викенд беше претствена новоформираната асоцијација „Македонска асоцијација на туристички водичи и придружници“ (МАТАВП), чија цел е унапредување на позицијата на туристичките водичи.
Како што информираат од Асоцијацијата, притоа претседателот на МАТАВП Димитар Кавраков и потпретседателот Елвир Садиковиќ со членовите на Управниот одбор ја презентираа програмата и целите на асоцијацијата.
-Асоцијацијата ќе работи во насока да ја подобри позицијата на водичите во нивната работа, а во исто време да се променат некои законски одредби со кои ќе се заштитат интересите на туристичките водичи и придружници, беше истакнато на презентацијата на новата асоцијација, се вели во денешното соопштение од оваа асоцијација. сст/са/
