Скопје, 1 март 2020 (МИА) – Тренерот на РК Вардар, Стевче Алушовски на вчерашната прес-конференција по поразот од Монпелје во Лигата на шампионите ги потврди информациите дека Борко Ристовски ќе заигра во Вардар.
– Од другата недела во тимот ќе ги имаме Борко Ристовски, како и Марко Мишевски. Мишевски е играч кој може да го имаме во ротацијата. Тоа е тимот со кој ќе располагаме до крајот на сезоната и во Лигата на шампионите и во домашното првенство, истакна синоќа Алушовски.
