Утрински Весник
Македонија

Привршуваат активностите за реконструкција на третата ламела од Домот за стари лица во Берово

Привршуваат активностите за реконструкција на третата ламела од Домот за стари лица во Берово

Берово, 27 февруари 2020 (МИА) – Привршуваат активностите за реконструкција на третата ламела во единствениот дом за стари лица на крајниот исток „Д-р Иван Влашки”. Со реконструкцијата како што информира Билјана Каламадевска од општина Берово, се очекува да бидат обезбедени нови легла за корисниците, од целиот источен регион.
-Активностите се реализираат како дел од програмата за социјална заштита и грижата за старите лица. Со реконструкцијата е планирано да се прилагоди простор за сместување на нови 10 корисници, со што Домот за стари, ќе добие целина со капацитет од 40 корисници, информира Каламадевска.
Средствата за реконструкцијата се во износ од 5,1 милион денари, а истите како што додава се обезбедени од Буџетот на општината и од буџетот на установата.
-По завршувањето со градежните работи ќе се пристапи кон внатрешно уредување и адаптација, за што општина Берово веќе има поднесено концепт проект на Регионалните форуми во заедницата, кои ги спроведува Центарот за развој на источно плански регион и е сериозен конкурент во трката за грант од Швајцарската агенција за развој и соработка SDC, додава Каламадевска.
Интересот за користење на услугите на оваа установа, секојдневно се зголемува, па според очекувањата на надлежните доплнителниот број на легла веднаш ќе бидат исполнети од лицата кои имаат потреба за згрижување во установата. вс/ац/

Извор: mia.mk

Можете да прочитате

Затвореник од Идризово излегол на викенд и се обидел да ограби спортска обложувачница во Центар

Митева: Лотарија на две фирми, едната од Струмица, другата од Скопје незаконски им доделила лиценци за игри на среќа

МВР поднесе кривична против Крешник Бектеши за вршење притисок врз полициски началник за време на изборите