Мадрид, 27 февруари 2020 (МИА) – Тренерот на Реал Мадрид, Зинедин Зидан го коментираше резултатот од натпреварот од осминафиналето на Лигата на шампионите со Манчестер Сити (1:2).
– Цели 75 минути игравме добро. Незадоволни сме од поразот, но борбата трае 180 минути. Сега треба да најдеме нешто позитивно. На крајот не се заврши добро, но ние одигравме добро ако не ги земете предвид последните минути. Сега, ако сакаме да одиме понатаму, мора да победиме таму (во Манчестер). Имаше грешки во одбраната, но ова е дел од фудбалот, тоа е сè. Се обидовме, дадовме сè на теренот. Немавме доволно концентрација уште 10 минути во многу тежок натпревар и плативме за тоа, рече Зидан.
Реваншот во Манчестер е закажан за 17 март. зс/
