Утрински Весник
Македонија

ВМРО-ДПМНЕ предлага веќе почнати инфраструктурни проекти, тврди Сугарески

ВМРО-ДПМНЕ предлага веќе почнати инфраструктурни проекти, тврди Сугарески

Гевгелија,  26 февруари 2020 (МИА) – Министерот за транспорт и врски Горан Сугарески  денеска изјави дека опозициската ВМРО-ДПМНЕ во изборната  програма што ја најавува предлага веќе почнати инфраструктурни проекти или проекти што ќе бидат завршени до почетокот на изборите.

Тој најави дека во наредните денови ќе ја „разбијат таа лага“ бидејќи има сериозни инвестици во патиштата, комуналната инфаструктура и гасификацијата.

-Во делот на инфраструктурните проекти слушаме малку смешно за проекти кои во моментот се градат во целата држава, а во ВМРО-ДПМНЕ ги ветуваат за градба. Имавме прилика тоа да го видиме и потенцирав во моите статуси дека во наредните денови комплетно ќе одиме да ја разбиеме таа лага бидејќи навистина во оваа држава сериозно се инвестира и во делот на патиштата, комуналната инфраструктура и гасификацијата овие години и навистина е смешно да се предлагаат во изборна програма проекти кои се реализираат или ќе бидат завршени можеби до почетокот на изборите, рече Сугарески, при денешната работна посета на Дојран каде беше направен увид во рехабилитацијата на регионалниот пат Стар Дојран – Нов Дојран.им/лв/

 

Извор: mia.mk

Можете да прочитате

Апасиев и Мециновиќ на средба со граѓаните и градоначалникот на Крива Паланка, Митовски: Вмровскиот терор врз градот мора да заврши

Спортска сала, мамограф и патни инвестиции – премиерот Мицкоски најави нови проекти за Делчево и регионот

Филипче: Мицкоски да одговори зошто со законски измени се брише одредбата за уплата на 6% во вториот столб