Тетово, 20 февруари 2020 (МИА) – Националната установа „Уметничка Галерија“ Тетово објави отворен конкурс за уметнички фотографии со наслов „Јас и 1000 зборови“ кој треба да резултира со колективна изложба. Конкурсот е отворен од денес 20 феварури па до 2 март 2020 година. Темата на фотографиите е слободна, а може да се пријави секој граѓанин.
-Ова е втор пат да се организира колективна изложба на уметничка фотографија за сите со страст кон фотографирањето. Идејата е да има таква изложба на која ќе присуствуваат сите граѓани кои направиле уметнички фотографии и кои помислиле дека некогаш нивните фотографии ќе имаат шанса да бидат изложени пред јавноста, а воедно тоа да биде поттик да се вклучат во културниот живот без оглед на нивното занимање, истакнуваат од Галеријата.
Може да се испратат фотографии по што професионална комисија ќе одбере само една. Испратените фотографии е потребно досега да не биле јавно претставени. Треба да бидат со резолуција од 300 ДПИ и да се испратат по е-пошта (konkurs@galeriaearteve.com). ас/ев/
