Кавадарци, 17 февруари 2020 (МИА) – Во Кавадарци продолжува поставувањето подземни контејнери, информираат од Службата за односи со јавноста при локалната самоуправа.
– Општина Кавадарци и ЈП „Комуналец“ деновиве започнаа со изградба на нов подземен контејнер на локациjа во строгиот центар на улицата „Илинденска“. Таму работи екипа на ангажирана фирма изведувач. Истата компанија паралелно изведува и градежни работи на контејнерот кај „Тиквешко поле“, соопштија од општинската прес служба.
Општината вакви подземни контејнери ќе постави и на локации на улиците „Мито Хаџи-Василев“ и „Илинденска“.
– Платформите ќе бидат со различна големина, а на нив ќе се постават, два, три или четири контејнери. Овој систем на прибирање на смет нуди повеќе предности, нагласуваат од Службата за информирање при општината. свд/рп/
