Скопје, 17 февруари 2020 (МИА) – Целосно се обновени тоалетите и две соблекувални во Основното училиште „Димо Хаџи Димов“ во Влае.
– Се работи за комплетна санација на машката и женската соблекувална и на санитарниот јазол која опфати поставување нови плочки, санитарија и бојадисување на просториите. Примарната цел е да се овозможат подобри услови за престој и спортување на учениците од ООУ „Димо Хаџи Димов“, соопшти Општина Карпош.
Во ова училиште функционира и сензорната соба за ученици со попреченост. Општина Карпош информира дека продолжува со реконструкции во основните училишта и во 2020 година. За оваа намена се предвидени четири милиони денари од општинскиот буџет. мд/скс/
