Скопје, 14 февруари 2020 (МИА) – Во државните шуми во четвртото тримесечје од 2019 година вкупно се произведени 141.265 кубни метри шумски производи што е зголемување за 14 отсто во споредба со четврто тримесечје од 2018 година. Продажбата, пак, на шумски сортименти изнесува 151.520 кубни метри и бележи пораст за 4,6 проценти.
Според податоците на Државниот завод за статистика, зголемување на шумското производство е забележано кај трупците од иглолисни видови, рудничкото дрво од иглолисни видови, друго обло дрво иглолисни видови, просторното дрво од иглолисни видови и огревното дрво од иглолисни и листопадни видови. вј/дма/
