Илјадници луѓе се собраа денеска во Истанбул и Анкара на протести против, како што велат, зголемениот притисок врз новинарите во Турција, вклучувајќи апсења, затворање на медиуми и назначување директори во медиумските куќи.
„Доста е. Веќе не можеме да дишеме“, извикуваат демонстрантите, меѓу кои главно има новинари, претставници на организации за заштита на човековите права и опозициски партии, пренесува порталот „Turkish Minute“.
Најмалку 3.000 луѓе се собраа на азиската страна од Истанбул, а демонстрантите носеа фотографии од затворени новинари и извикуваа „Нема да молчиме, доста е!“ и „Нема да се покориме на притисоците“.
