Вчера (10.10.2026) во 22:30 часот, во Градскиот трговски центар во Тетово, полициски службеници од Мобилната единица „Таск Форс“ го лишиле од слобода Т.С.(29) од Тетово, поради сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“ по член 215 од Кривичниот законик. При преглед кај него била пронајдена најлонска ќеса со кокаин.
Исто така, денеска (11.10.2026) во 00:10 часот, во Гостивар, полициски службеници од Мобилната единица „Таск Форс“ го лишиле од слобода Л.М.(21) од Прилеп, со престој во Гостивар. При преглед кај него биле пронајдени најлонска ќеса со кокаин и фолија со зелена марихуана.
Двете лица се задржани во полициска станица и по целосно документирање на случаите против нив ќе следуваат соодветни поднесоци.
