28-годишен британски планинар загина во северна Шпанија откако падна од планински врв. Според соопштението на Шпанската цивилна гарда за регионот Астурија, несреќата се случила завчера попладне кога тој паднал од висина од околу 61 метар, објавува „Гардијан“ .
Алпинистот паднал во вертикална клисура на источната страна од Торесередо, највисокиот врв во Кантабриските Планини. Спасувачка екипа го лоцирала телото откако хеликоптер прелетал над областа. Потоа две специјални сили се спуштиле за да го извлечат телото и личните работи што биле расфрлани за време на падот.
Цивилната гарда потврди дека несреќата се случила за време на спуштањето, приближно 20 метри под врвот. Телото е пронајдено и транспортирано во Ла Моргал, регионален спортски и авијациски центар во Љанера во близина на градот Хихон.
Портпаролот на британското Министерство за надворешни работи изјави дека се во контакт со локалните власти во врска со оваа смрт. На 2.649 метри надморска височина, Торесередо е највисокиот врв на планинскиот венец Пикос де Европа, кој е дел од поширокиот масив на Кантабриските Планини.
