Соопштение на Левица:
Кризата не падна од небо. Со години предупредуваме дека македонското лозарство се остава без стратегија, без организиран државен откуп и без сигурни пазари. Во исто време, олигархијата во винарските визби се потпира на евтино увозно грозје, а лозарите се немоќни на пазар на кој најголемите откупувачи имаат огромна преговарачка моќ.
Државен откупен центар нема, а стечајната постапка за „Повардарие” упорно се пролонгира, додека министрите се менуваат, а проблемите на лозарите остануваат исти. Наместо системско решение, секоја година добиваме нови ветувања и ново префрлање на одговорноста!
Затоа, доколку вечерва Серафимовски доаѓа пред лозарите, очекуваме да понуди конкретни и сигурни решенија, а не политички театар и задушување на оправданиот бунт.
Не ни треба сала наполнета со ЗНАМовци и ВМРОвци, туку средба со вистинските лозари и јасни одговори: кој ќе го откупи грозјето, по која цена, каде ќе се пласира и како ќе се спаси лозарството на долг рок?
Левица останува на страната на лозарите и ќе продолжи да бара конкретни, долгорочни и одржливи решенија за тиквешкото лозарство!
