САД и Украина продолжуваат со преговорите за можноста Киев да добие лиценца за производство на ракети за системот за воздушна одбрана „Патриот“, изјави американскиот државен секретар Марко Рубио, додавајќи дека Вашингтон ќе продолжи да и помага на Украина до степен до кој американските залихи и капацитети дозволуваат.
Рубио, како што е наведено во соопштението на американскиот Стејт департмент, рече дека достапноста на пресретнувачи на ракети станала „потреба број еден во областа на одбраната на планетата“, не само за Украина, туку и за други земји.
Тој нагласи дека американските залихи на оружје мора да бидат доволни пред Вашингтон да може да им помогне на други земји.
„Секогаш мора да ја гледаме Америка како приоритет“, рече Рубио, додавајќи дека во текот на изминатите неколку години САД обезбедиле поголема помош за Украина од која било друга земја и ќе продолжат да ја поддржуваат во рамките на сопствените можности.
На прашањето дали Вашингтон е против лиценцирање на Украина за производство на системите што ѝ се потребни, Рубио рече дека преговорите се во тек.
„Тоа не е моментално решение“, рече Рубио, додавајќи дека зголемувањето на производството, дури и со добиена лиценца, ќе бара неколку години за изградба на фабрики.
