Необичен инцидент бил пријавен вчера во Скопје, откако 35-годишен скопјанец побарал помош од непознат маж за да извади пари од банкомат, по што останал без парите.
Според информациите од МВР, вчера во 18 часот во СВР Скопје, С.С. (35) од Скопје пријавил дека околу 17 часот, на подрачјето на Центар, замолил машко лице да му помогне при подигнување пари од банкомат.
Откако парите биле извадени, според пријавата, лицето со употреба на сила му ги одзело парите на 35-годишниот скопјанец и побегнало од местото.
Од МВР информираат дека се преземаат мерки за расчистување на случајот и пронаоѓање на лицето.
