Стопанската комора бара повлекување на предложеното законско решение за игрите на среќа, предупредувајќи на последиците кои тоа ќе ги предизвика врз бизнис-секторот и економијата.
На денешната јавна расправа за Предлог-законот за игрите на среќа и за забавните игри, претставничката на Стопанската комора, Даниела Михајловска Василевска, детално ги образложи аргументите на Kомората против предложениот закон и објасни зошто истиот треба во целост да биде повлечен од процедура.
Според Михајловска Василевска, предложените измени се носат без соодветна анализа и ќе имаат сериозни импликации врз компаниите кои легално работат во овој сектор, но и врз државниот буџет.
