Веќе три дена надвор од функција е апликацијата „МојДДВ“, со која граѓаните скенираат фискални сметки.
Граѓани на социјалните мрежи се жалат дека апликацијата постојано покажува дека нема „конекција со УЈП“ и со тоа им се ускратува правото на зголемен поврат на ДДВ.
И самата УЈП која е носител на проектот извести дека апликацијата се соочува со проблеми и најави брзо решавање, но веќе трет ден Мој ДДВ не дозволува скенирање на сметки.
Во последната година оваа мерка, која е многу популарна кај граѓаните, постојано доживува проблеми и доцнење со исплатата. Од УЈП се правдаат дека сето ова е поради технички проблем, без да наведат и други причини.
Дополнително, во неколку наврати од директорката на УЈП тврдеше дека оваа мерка не ја исполнило својата цел, но дека засега не се планира нејзино укинување.
