На судењето за пожарот во дискотеката „Пулс“, сведоци опишаа драматични моменти на евакуација по активирање на пиротехника.
Мартин Димитров изјави дека пожарот избувнал околу 2:30 часот и дека за неколку секунди избегале од објектот.
„Ако задоцневме уште малку, немаше да излеземе“, рече тој, додавајќи дека немало противпожарна опрема.
Сведоците посочија дека огнот брзо се проширил, предизвикувајќи паника и стампедо.
Анастасија Илиева рече дека изгубила свест и била спасена преку отвор во ѕидот. Потврдено е и присуство на малолетници.
„Околу 2 часот започна настапот на групата ДНК, а половина час подоцна се активираа пиротехничките средства. Прво мислевме дека е нешто безопасно, но веднаш потоа настана стампедо“, рече Илиева.
Во пожарот загинаа 63 лица, а над 200 беа повредени. Судењето продолжува со сослушување сведоци.
