Атлетскиот клуб „Фортиус“ од Скопје денеска го организира петтото издание на трката „Водно 10К”. Најавено е учество на 500 натпреварувачи, а стартот на трката е во 10:00 часот на долниот паркинг на Средно Водно.
Рутата на движење на атлетската трка е по асфалтниот пат (Р2138) до манастирот „Св.Пантелејмон” и назад со вкупна должина од 9,6 км. Покрај трката од 10км, ќе се трча и штафетна трка.
Оваа делница ќе биде затворена за сообраќај од 06:00 до 13:00 часот. Од тие причини Единицата за безбедност на патниот сообраќај ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
За натпреварувачите е обезбеден беплатен превоз од основното училиште „Кочо Рацин“ до паркингот на средно Водно, а после завршување на настанот по обратен редослед.
Од МВР апелираат граѓаните да ги почитуваат упатствата на полициските службеници со цел безбедно одвивање на настанот.
