Мнозинството во Собранието денеска одби да го стави на дневен ред на денешната седница предлог Законот за спречувања и заштита од насилство врз жените и семејното насилство, поднесен од пратеничката Моника Зајкова и други пратеници.
За предлогот, покрај Зајкова гласаа и пратениците од СДСМ, ДУИ и присутните пратеници од Левица.
По неусвојувањето на предлогот со реакција се јави и пратеничката од СДСМ, Славјанка Петровска.
„Срамота, парламентарното мнозинство одби закон, предложен од колешката Моника Зајкова со кој се заштитуваат жените.
На толку жртви на семејно и родово базирано насилство, мнозинството одлучи да молчи. Барем пратеничките да се одважеа и да гласаа“ напиша Петровска на социјалните мрежи.
