Во руски напад синоќа, индустриската, енергетската и пристанишната инфраструктура во украинскиот регион Одеса на Црното Море беше оштетена, што предизвика прекини во снабдувањето со електрична енергија во различни населби во јужниот дел од регионот, објави денеска локален функционер.
Регионалниот гувернер Олех Кипер преку Телеграм објави дека пожарите се брзо изгаснати и дека никој не е повреден. Тој рече дека струјата е вратена во критичните инфраструктурни објекти.
Градоначалникот на пристаништето Измаил, најголемото украинско пристаниште на Дунав, на брегот на членката на НАТО Романија, изјави дека градот синоќа бил под „масовен“ напад од руски беспилотни летала.
„Нападот оштетил инфраструктура и станбени згради“, објави градоначалникот на социјалните медиуми.
Романското Министерство за одбрана денеска соопшти дека бара фрагменти од беспилотни летала за кои се тврди дека паднале во близина на селото Плауру преку Дунав, по рускиот напад извршен синоќа.
