Вечерва со почеток во 19:00 часот, 4TV организира специјално отворено студио посветено на Кочани. Програмата ќе се емитува во живо и ќе донесе повеќе од четири часа разговори, сведоштва и приказни кои досега ретко биле слушнати.
Во емисијата ќе учествуваат повеќе од 20 гости – луѓе кои директно ја живеат приказната на Кочани, оние кои се борат, оние кои изгубиле и оние кои имаат што да кажат за тоа како денес изгледа животот во градот.
Преку искрени разговори и сведоштва, гледачите ќе имаат можност да слушнат што се промени, како се справуваат луѓето со болката и какви пораки испраќаат од Кочани.
Специјалната програма започнува вечерва во 19:00 часот, во живо на 4tv.mk, со отворено студио од Кочани.
