Оваа година, на 14 февруари, празникот Св. Трифун освен традиционално одбележување доби и ново значење на Опитното поле при Факултетот за земјоделски науки и храна во Скопје.
Во рамките на проектот „Зајакнување на дигиталното земјоделство во Македонија”, финансирaн од CMSR официјално беше промовирана новата дигитална опрема што ќе го трансформира начинот на кој се учи, истражува и практикува земјоделството во нашата држава.
Настанот се одржа во присуство на Министерката за образование и наука, проф. д-р Весна Јаневска, Ректорот на Универзитетот „Св. Кирил и Методиј”, проф. д-р Биљана Ангелова, Деканот на Факултетот за земјоделски науки и храна од Скопје, проф. д-р Миле Маркоски, Амбасадорот на Република Словенија во нашата држава Н. Е. Грегор Прескер, како и генералниот директор на Центарот за меѓународна соработка и равој (CMSR), г. Дејан Прешичек – партнери кои со своето присуство испратија јасна порака: земјоделството е стратешка иднина.
Проектот „Зајакнување на дигиталното земјоделство во Македонија” претставува конкретна реализација на националниот Акциски план за дигитализација, што Владата активно го спроведува во изминатиот период.
