Општина Кичево велат дека се преземени сите максимални мерки и сите расположливи капацитети се целосно ставени во функција на терен поради настанатата кризна состојба предизвикана од поплавите.
-Во насока на побрзо и поефикасно справување со состојбата, побарана е дополнителна помош од Министерството за одбрана и Министерството за животна средина.
Ангажирани се сите приватни компании кои располагаат со тешка механизација, со цел да се вклучат во интервенциите и расчистувањето на критичните точки.
,,Упатуваме апел за смиреност, трпение и соработка до граѓаните. Се преземаат максимални напори за да се надмине оваа кризна ситуација и да се обезбеди навремена помош и безбедност за сите засегнати. Општина Кичево ќе продолжи редовно да ја информира јавноста за развојот на состојбата” – велат од Општината.
