ЕК закажа нов состанок за втората недела од февруари каде ќе биде презентирано решение за проблемотт со професионалните возачи во патниот сообраќај во западен балкан.
„Поради итност на ситуацијата и протестите што се случија, Европската комисија закажува состанок на работната група за втората недела од февруари, на кој ќе се даде предлог за привремено решение. Покрај државниот претставник, во работната група ќе бидат вклучени и по еден член од превозниците, амбасадите во Брисел и транспортната заедница“, се наведува во соопштението на Меѓународната асоцијација за транспортен бизнис од Белград.
На денешниот онлајн состанок во Брисел, посветен на проблемите со кои се соочуваат возачите од овој регион по воведувањето на системот ЕЕС во ЕУ, беше кажано дека новата стратегија носи решение за кое се потребни неколку месеци за да се спроведе и дека е потребно побрзо да се реагира за да се најде прагматично решение што не бара измени во актите и обезбедува решение за моменталната состојба со професионалните возачи.
„ЕК на дневно ниво ќе има контакти со амбасадорите на земјите од Западен Балкан во Брисел со цел да даде повратни информации“.
„На состанокот, претставниците на ЕК ги споменаа протестите што беа организирани во претходната недела од страна на превозниците од Западен Балкан и го истакнаа големото негативно влијание врз европската економија. Претставниците на Србија и Босна и Херцеговина постојано повторуваа дека, доколку не се запрат апсењата и депортации на професионални возачи, може да се очекува уште поголем протест на транспортерите и повторување на блокадите во блиска иднина“.
