Државниот имунолошки институт „Роберт Кох“ соопшти дека речиси секој втор граѓанин на Германија ќе заболи од рак во текот на својот живот. Според податоците, кај 49% од мажите и 46% од жените се дијагностицира рак, додека секоја шеста жена и секој седми маж заболуваат пред 65-та година. Најчести се случаи на рак на простата, рак на дојка, рак на бели дробови и рак на дебело црево.
Во 2023 година беа регистрирани околу половина милион нови случаи, додека 230.000 лица починале од рак. Сепак, стапката на смртност од оваа болест значително е намалена во последните 25 години – за 30% кај мажите и за 20% кај жените. Институтот ја објавува статистиката пред Светскиот ден за борба против ракот со цел подигање на свеста и подобрување на превенцијата.
