Секоја работна средина е уникатен спој на луѓе со различни возрасти, карактери и работни навики. Сите тие имаат свои цели, ставови и идеи, кои во комбинација со вашите обликуваат односите во тимот. Успешното градење добри односи со колегите е многу повеќе од пријателство – тоа е вештина која може да го унапреди или уништи вашиот професионален имиџ. Во деловниот свет, секоја грешка во интерперсоналните односи може да има последици. За да не бидете осамени, тема на канцелариски озборувања или личност со намалена репутација, обрнете внимание на следниве грешки:
- Носите домашни проблеми на работното место
Луѓето кои дозволуваат домашните тешкотии да влијаат на нивното однесување создаваат негативна атмосфера. Доколку влегувате во канцеларија со насобрани веѓи, лошо расположение и тенденција да ги „истурате“ своите фрустрации врз колегите, тоа ја менува перцепцијата за вас. Најдобро е да се обидете да го оставите стресот од дома надвор од работното место и да ја одржите професионалната енергија. - Обвинувате друг за сопствените грешки
Префрлувањето на одговорноста на колега не само што не го решава проблемот, туку и ја поткопува вашата репутација. Луѓето брзо забележуваат кога некој е некоректен или избегнува одговорност. Ако направите грешка, признајте ја, решете ја и учете од искуството – тоа гради доверба и професионален кредибилитет. - Присвојувате заслуги кои не се ваши
Тимската работа значи и споделување на успесите. Присвојувањето заслуги на колегите создава чувство на себичност и нарушува тимската динамика. Вклучете ја позитивната психологија – пофалете ги оние кои се трудат и покажуваат резултати. Простите пофалби како „Одлично ја заврши презентацијата“ или „Денес навистина се надмина себеси“ не само што ја подигнуваат мотивацијата, туку и создаваат позитивна слика за вас. - Дајте ветувања кои не можете да ги исполните
Обидот да се импресионираат колегите или шефот преку премногу ветувања кои не се реални е чест мотиватор за несериозни работници. Неисполнетите ветувања го уништуваат кредибилитетот и покажуваат недоследност. Учете се да ветувате само она што можете да го исполните, со јасни и реални рокови. - Озборувате колеги или шефови зад нивниот грб
Озборувањето на работното место е една од најголемите професионални грешки. Дури и ако тоа е „невино“ споделување на трачеви, тоа создава атмосфера на недоверба и негативност. Ако имате проблем со колега, решете го директно и конструктивно лице в лице. - Споделувате премногу лични информации
Работното место е професионален простор, а прекумерното откривање на приватни детали може да ве доведе во незгодна положба. Колегите понекогаш можат да искористат чувствителни информации против вас. Приватните разговори оставете ги за пријателите надвор од работа и водете професионални односи на работното место. - Си земате преголема слобода
Искуството или позицијата не дава право на привилегирано однесување. Наредувањето на колегите, шегањето со нивната работа или злоупотребата на позицијата создава омраза и нарушува тимската хармонија. Ако имате задача што бара помош, побарајте го тоа на учтив начин, без наредби. - Се изолирате од колегите
Самиот факт дека комуницирате само со „Добро утро“ и „Пријатно“ е сигнал дека се изолирате. Интерперсоналната комуникација е клучна за поврзување и влијае на тоа како ќе бидете перцепирани. Инвестицијата во градење добри односи со колегите создава почит, доверба и подобра соработка. - Лажете
Искреноста е темел на професионалната репутација. Дури и една мала лага може да го уништи трудот кој сте го вложиле со години за да изградите доверба. Дури и ако вистината понекогаш боли, таа секогаш е подобра од лагата. - Не ги почитувате молбите и барањата на колегите
Луѓето сакаат да бидат ислушани и почитувани, особено на работното место. Ако колега ве замоли за одредено однесување – на пример да не користите клима уред во момент кога тој има проблем – почитувајте го барањето. Компромисот и взаемното почитување се основа на добри професионални односи.
Градењето добри односи со колегите е долг процес кој бара внимателност, искреност и емпатија. Избегнувајте ги овие грешки и концентрирајте се на тимска работа, почитување и конструктивна комуникација. На тој начин ќе изградите позитивен имиџ, ќе ја зголемите продуктивноста и ќе создадете пријатна работна атмосфера за сите.
