Поранешниот државен обвинител на Аризона, Марк Брновиќ, почина на 59-годишна возраст, соопшти неговото семејство, објавија српските медиуми.
„Со длабока тага, семејството Брновиќ објавува дека Марк почина. Најпознат како 26-ти државен обвинител на Аризона, државен и федерален обвинител и застапник за правда, тој секогаш ќе биде запаметен и ценет како грижлив татко, сопруг, син и брат. Скршени сме од оваа загуба и длабоко трогнати од изливот на љубов и поддршка од толку многу прекрасни луѓе. Семејството моли за приватност во овој тежок период. Организацијата на комеморацијата ќе биде објавена штом ќе биде достапна“, наведуваат од семејството.
Трамп го номинираше Брновиќ за амбасадор на САД во Србија во април минатата година, но номинацијата беше повлечена во октомври. Брновиќ подоцна изјави дека „длабоката држава“ го спречила неговото назначување.
Брновиќ е роден на 25 ноември 1966 година во Детроит, а неговите родители биле Срби од поранешна Југославија – татко му од Црна Гора, мајка му од Сплит. Причината за смртта сè уште не е објавена.
