Жител на Тетово загина вечерва во пожар што избувна во стан во населбата Блок 70, додека уште едно лице е повредено, јавува МИА.
Од Територијалната противпожарна единица Тетово информираат дека пријавата за пожарот била примена во 19:05 часот.
„Пожарот во ТППЕ Тетово е пријавен во 19:05 часот“, изјави Авни Амети.
Од СВР Тетово потврдуваат дека во станот е пронајдено починато машко лице, како и дека едно лице се здобило со повреди.
Во тек е увид на местото на настанот, а надлежните служби најавуваат дека повеќе детали за причините на пожарот ќе бидат соопштени во текот на утрешниот ден.
