Кубанскиот претседател Мигел Дијаз-Канел денеска изјави дека неговата администрација не води преговори со САД, еден ден по заканите на американскиот претседател Доналд Трамп.
Дијаз-Канел истакна дека односите меѓу двете земји треба да се базираат на меѓународното право, почитување и заемна корист, а не на закани и економска принуда. Трамп претходно порача дека Куба повеќе нема да смета на нафтата и финансиската поддршка од Венецуела, која досега обезбедувала околу 35.000 барели нафта дневно.
