Најмалку 217 луѓе починале во шест болници во Техеран откако демонстратнтите биле застрелани во центарот на иранската престолнина, објавуваат западните медиуми.
Невладината организација „Човекови права во Иран“ со седиште во Норвешка, пак, известува дека најмалку 45 демонстранти, меѓу кои и осум малолетници, се убиени во обидите за растерување на протестите, посочувајќи ја средата како најкрвав ден со 13 жртви. Американската организација „Хјуман рајтс воч“ наведува бројка од 34 убиени демонстранти, четворица припадници на безбедносните сили и над 2.200 уапсени. Официјалните ирански медиуми признаваат „најмалку 21 мртов“.
