Украинскиот претседател Володимир Зеленски потврди дека разговарал со американскиот претседател Доналд Трамп за можното присуство на американски сили во Украина како дел од идните безбедносни гаранции на состанокот во недела во Мар-а-Лаго, Флорида, објави Ројтерс.
Зеленски рече дека прашањето за безбедносните гаранции било една од клучните теми на разговорот. Според него, САД се подготвени да обезбедат гаранции за 15 години, но Украина смета дека тие треба да траат многу подолго.
„Американскиот претседател Доналд Трамп се согласил во принцип безбедносните гаранции да траат 15 години, додека Киев се залага за период од 30 до 50 години со цел да се обезбеди долгорочна стабилност и да се спречи враќањето на руската агресија“, изјави Зеленски.
Дискусијата за безбедносните гаранции е дел од интензивираните американско-украински разговори за можно мирно решение на војната, во кои Вашингтон сака да игра клучна улога како посредник. Зеленски претходно изјави дека безбедносните гаранции се „100 проценти договорени“, но дека техничките детали, вклучувајќи го времетраењето и механизмите за имплементација, сè уште се дискутираат.
Русија се закани дека ќе ја ревидира својата преговарачка позиција по наводниот украински напад врз резиденција на претседателот Путин, што Украина и неколку западни земји ги отфрлија како неосновани. Американската администрација официјално сè уште не потврди распоредување на сили, но самиот факт дека се дискутира за оваа опција претставува значаен чекор напред во преговорите за идните безбедносни гаранции за Киев.
